Ommaviy oferta

1.Shartnoma predmeti

Ushbu hujjat «OXUS IT ACADEMY» MChJ (keyingi o'rinlarda — «Ijrochi») tomonidan antiplagiat-edu.uz platformasi orqali ko'rsatiladigan xizmatlardan foydalanish bo'yicha ommaviy oferta hisoblanadi. Xizmat uchun to'lovni amalga oshirish ofertani qabul qilish (aksept) hisoblanadi.

2.Xizmatlar tarkibi

1. 2.1.Yuklangan matn/hujjatni ochiq manbalar, xalqaro ilmiy bazalar va ichki korpus bo'yicha o'xshashlikka tekshirish;
2. 2.2.Matnning sun'iy intellekt (AI) tomonidan yozilganlik ehtimolini baholash (ixtiyoriy — foydalanuvchi tekshiruv boshida tanlaydi; tanlanmasa natija sertifikatda ko'rsatilmaydi);
3. 2.3.Natijalar bo'yicha batafsil PDF hisobot va QR kod orqali tasdiqlanadigan sertifikat taqdim etish;
4. 2.4.Universitetlar uchun korporativ kabinet va kvota asosidagi xizmat (alohida shartnoma bo'yicha).

3.Narxlar va to'lov

1. 3.1.Talabalar uchun tekshiruv paketlari: 45 betgacha — 37 000 so'm, 46–80 bet — 47 000 so'm, 81–111 bet — 57 000 so'm. 1 bet = 1 800 belgi (bo'shliqlar bilan). Paket hujjat hajmiga qarab tanlanadi; hujjat paket hajmidan katta bo'lsa tekshiruv o'tkazilmaydi;
2. 3.2.Har bir paket BITTA hujjatni 3 marta tekshirish huquqini beradi: birinchi tekshiruv va undan keyingi 30 kun ichida shu hujjatning tahrirlangan versiyalarini 2 marta qayta tekshirish. Boshqa hujjat uchun paket ishlatilmaydi; hujjat bir xilligi matn o'xshashligi bo'yicha avtomatik aniqlanadi. Ishlatilmagan qayta tekshiruvlar 30 kundan keyin bekor bo'ladi;
3. 3.3.Boshqa tariflar (ustozlar, tashkilotlar) saytning «Narxlar» bo'limida ko'rsatiladi;
4. 3.4.To'lov Payme to'lov tizimi orqali yoki bank kartasiga o'tkazma bilan amalga oshiriladi;
5. 3.5.To'lov tasdiqlangach, tekshiruv krediti darhol faollashtiriladi;
6. 3.6.Har bir foydalanuvchiga bir marta bepul sinov tekshiruvi beriladi: hujjatning 1 000 so'zi tekshiriladi. Sinov natijasi rasmiy hujjat yoki sertifikat emas, QR orqali tasdiqlanmaydi va o'quv yurtiga topshirish uchun mo'ljallanmagan; sinovda AI-tahlil o'tkazilmaydi. Ijrochi bepul sinovni kunlik miqdor bilan cheklash yoki to'xtatish huquqiga ega.

4.Natijalarning maqomi

Tekshiruv natijasi — matn o'xshashligi va AI ehtimolini texnik baholash bo'lib, u yakuniy akademik qaror emas. Ishni qabul qilish yoki rad etish bo'yicha qaror ta'lim muassasasi vakolatiga kiradi. AI ehtimoli 60% dan past bo'lganda platforma «AI yozgan» degan hukm chiqarmaydi.

5.Qaytarish shartlari

1. 5.1.Texnik nosozlik tufayli tekshiruv yakunlanmagan bo'lsa, kredit avtomatik qaytariladi yoki qayta tekshiruv imkoni beriladi;
2. 5.2.Xizmat to'liq ko'rsatilgan (hisobot shakllangan) bo'lsa, to'lov qaytarilmaydi;
3. 5.3.Munozarali holatlar qo'llab-quvvatlash xizmati orqali 3 ish kuni ichida ko'rib chiqiladi.

6.Tomonlarning javobgarligi

1. 6.1.Foydalanuvchi yuklayotgan materialga nisbatan qonuniy huquqqa ega ekanligini kafolatlaydi;
2. 6.2.Soxta to'lov cheki taqdim etish yoki tizimni aldashga urinish hisobni bloklashga olib keladi;
3. 6.3.Ijrochi xizmatning uzluksiz ishlashi uchun barcha oqilona choralarni ko'radi, ammo uchinchi tomon manbalarining vaqtincha ishlamasligi uchun javobgar emas.