Maxfiylik siyosati

1.Umumiy qoidalar

Ushbu Maxfiylik siyosati «OXUS IT ACADEMY» MChJ (Surxondaryo viloyati, Termiz shahri; keyingi o'rinlarda — «Operator») tomonidan antiplagiat-edu.uz xizmatida foydalanuvchilarning shaxsga doir ma'lumotlariga O'zbekiston Respublikasining «Shaxsga doir ma'lumotlar to'g'risida»gi Qonuni (O'RQ-547) talablariga muvofiq ishlov berish tartibini belgilaydi. Ro'yxatdan o'tishda siz ushbu siyosatga alohida belgilash (checkbox) orqali rozilik bildirasiz — rozilik fakti (sana, IP, siyosat versiyasi) saqlab qo'yiladi.

2.Qanday ma'lumotlar yig'iladi

1. 2.1.Telefon raqami — ro'yxatdan o'tish va hisobga kirish uchun;
2. 2.2.Muallif ismi va ish mavzusi (ixtiyoriy) — sertifikat va hisobotda ko'rsatish uchun, faqat o'zingiz kiritsangiz;
3. 2.3.Tekshiruvga yuklangan hujjat matni — tekshiruv uchun ishlov beriladi, ma'lumotlar bazasida saqlanmaydi. Matn bilan batafsil hisobot (PDF) sizning yopiq kabinetingizda saqlanadi va uni faqat siz ochasiz;
4. 2.4.Tekshiruv natijalari (foizlar, sertifikat, hisobot) — profil tarixida ko'rsatish uchun;
5. 2.5.To'lov ma'lumotlari — to'lov Payme yoki Rahmat (Multicard) orqali amalga oshiriladi, karta rekvizitlari Operatorda saqlanmaydi. Karta o'tkazmasida siz yuklagan to'lov cheki rasmi to'lovni tasdiqlash uchun saqlanadi.

3.Nima maqsadda

1. 3.1.Plagiat va AI-matn tekshiruvi xizmatini ko'rsatish;
2. 3.2.Hisobni yuritish, to'lovlarni qayta ishlash va sertifikat berish;
3. 3.3.Xizmat sifatini ta'minlash (texnik jurnal, xatolarni aniqlash);
4. 3.4.Qonunda belgilangan majburiyatlarni bajarish.

4.Hujjatlaringiz himoyasi

1. 4.1.Yuklangan ishlaringiz uchinchi shaxslarga sotilmaydi va oshkor qilinmaydi;
2. 4.2.Ichki solishtirish bazasi: har bir tekshirilgan hujjatdan matematik izlar (xesh — fingerprint) saqlanadi, matnning o'zi EMAS — izlardan matnni tiklab bo'lmaydi. Ular faqat keyingi tekshiruvlarda ishlar orasidagi ko'chirishni (jumladan talabadan talabaga) aniqlash uchun ishlatiladi va hisobingiz o'chirilganda o'chiriladi. Bazada hamkor universitetlar shartnoma asosida bergan himoyalangan ishlarning izlari ham bor (matnsiz);
3. 4.3.Boshqa foydalanuvchi tekshiruvida sizning ismingiz, telefoningiz yoki fayl nomingiz hech qachon ko'rsatilmaydi — moslik «Ichki baza hujjati» deb belgilanadi;
4. 4.4.QR-tasdiqlash: sertifikatdagi QR kod yoki hisobot raqamini bilgan har kim quyidagilarni ko'radi: fayl nomi, hujjat turi, muallif ismi, sana, foizlar, sertifikat va ochiq hisobot. Ochiq hisobotda hujjat matni, mos kelgan jumlalar va telefon raqamingiz YO'Q. Matn bilan to'liq hisobot faqat sizning kabinetingizda;
5. 4.5.Barcha ma'lumotlar shifrlangan aloqa (HTTPS/TLS) orqali uzatiladi; fayllar yopiq saqlanadi va faqat muddatli imzolangan havola orqali ochiladi.

5.Ma'lumotlarni uchinchi tomonlarga uzatish

1. 5.1.Tashqi ilmiy bazalar (Crossref, OpenAlex va boshqalar) va veb-qidiruv (Brave Search) — tekshiruv uchun matndan qisqa parchalar (8–14 so'zlik iboralar) yuboriladi; yuborishdan OLDIN shaxsni aniqlovchi ma'lumotlar (ism-familiya, universitet nomi, telefon, email, guruh) avtomatik olib tashlanadi, titul varag'i yuborilmaydi;
2. 5.2.Sun'iy intellekt provayderi (OpenAI) — AI-matn tahlili uchun, xuddi shu anonimlashtirish bilan; shuningdek to'lov cheki rasmidagi summani avtomatik tekshirish uchun. Har bir tashqi so'rov ichki audit jurnalida qayd etiladi (matnning o'zi jurnalga yozilmaydi);
3. 5.3.Payme va Rahmat (Multicard) to'lov tizimlari — faqat to'lovni qayta ishlash uchun;
4. 5.4.SMS provayderi va Telegram — faqat tasdiqlash kodini yuborish uchun (telefon raqami);
5. 5.5.Meta Platforms (Meta Pixel) — reklama samaradorligini o'lchash uchun: ochiq sahifalarni ko'rish va to'lov qilinganligi (summa) haqidagi anonim hodisalar, brauzer cookie va IP manzil; to'lov tasdiqlanganda server ham shu to'lov haqida xabar beradi (faqat xeshlangan foydalanuvchi identifikatori, Meta cookie va brauzer turi bilan). Hujjatlar, natijalar, ism, telefon va kabinet sahifalari Meta'ga yuborilmaydi;
6. 5.6.Vakolatli davlat organlari — faqat qonunda belgilangan hollarda, rasmiy so'rov asosida.

6.Qancha muddat saqlanadi

1. 6.1.Hisob ma'lumotlari, tekshiruvlar tarixi, sertifikat va hisobotlar, ichki baza izlari — hisob o'chirilgunga qadar yoki 2028-yil 31-dekabrgacha (qaysi biri oldin kelsa);
2. 6.2.Hujjat matni — ma'lumotlar bazasida saqlanmaydi; faqat yuqoridagi hisobot PDF ichida, sizning kabinetingizda;
3. 6.3.To'lov yozuvlari — buxgalteriya qonunchiligida belgilangan muddat davomida;
4. 6.4.Texnik audit jurnali — 180 kun.

7.Sizning huquqlaringiz

Siz istalgan vaqt: o'zingiz haqingizdagi ma'lumotlarning nusxasini so'rashingiz, noto'g'ri ma'lumotni tuzattirishingiz, hisobingiz va ma'lumotlaringizni (sertifikat, hisobot, chek fayllari va ichki baza izlari bilan birga) o'chirtirishingiz hamda rozilikni qaytarib olishingiz mumkin. Buning uchun @antiplagiat_supportbot ga yoki info@antiplagiat-edu.uz manziliga murojaat qiling — so'rov 30 kun ichida ko'rib chiqiladi. To'lov yozuvlari kabi qonun saqlashni talab qiladigan ma'lumotlar bundan mustasno.